Ya Ali (as) Adrikni
Ro ke Bazar Main Deti Thi Sada Binte Ali (as)
Ya Ali (as) Adrikni, Ya Ali (as) Adrikni
1. Nok e Neza se Sada deta Hai Ibn e Zehra (sa)
Log Zainab (sa) Ki Taraf Dekh Rahay Hain Baba
Zere Khanjar Nazar Ati Hai Tumhari Baiti
Ya Ali (as) Adrikni, Ya Ali (as) Adrikni
2. Imteha'n Ghairat e Sajjad (as) Ka Kaisa Hoga
Qatal Darbar Main Sajjad Dobara Hoga
Mangnay Aya Hai Bachi Ko Kaneezi Main Shaaqi
Ya Ali (as) Adrikni, Ya Ali (as) Adrikni
3. Kehdo Zalim se Mujhay Maar le Aakar Dur’ra
Baba Zainab (sa) se Yeh Manzar Nahi Dekha Jata
Marta Hai Who Meray Bhai ke Honton Py Chari
Ya Ali (as) Adrikni, Ya Ali (as) Adrikni
4. Sar Khulay Sham Main Sadaat, Jidhar Jatay Hain
Log Pathar Liye Pehle Hi, Nazar Atay Hain
Aaj Bazar Main Mar Jaye, Na Koi Bibi
Ya Ali (as) Adrikni, Ya Ali (as) Adrikni
5. Aap ke Samne Jo Baat Nahi Karti Thi
Aaj Bazar Main Woh Beti Bhi Khutbay Degi
Aap ke Lehjay Ki Is Waqt, Zaroorat Hai Badi
Ya Ali (as) Adrikni, Ya Ali (as) Adrikni
6. Abhi Darbar se Pehle Hi, Guzar Jayegi
Sun Liya Sani e Zahra (sa) Ne To Mar Jayegi
Log Kehte Hain Hussain (as) Ibn Ali (as) Ko Baghi
Ya Ali (as) Adrikni, Ya Ali (as) Adrikni
7. Saray Bazar Ny Hans Hans ke, Tamasha Dekha
Aur Bhi Shimr Ny Is Baat Py, Is Ko Mara
Jab Tamanchon Py Sakina (sa) Yeh, Tarap Kar Boli
Ya Ali (as) Adrikni, Ya Ali (as) Adrikni
8. Bab e Sa’at Ka Jo Bazar se Dekha Manzar
The Takallum Wahan Sub Log Uthaye Pathar
Sani e Zehra (sa) Yeh Kehti Hui Naqay se Giri
Ya Ali (as) Adrikni, Ya Ali (as) Adrikni