AALE NABI WO SHAAM KA DARBAR YA ALI, PESHE YAZEED ITRATE ATHAAR YA ALI
DARBAR MAIN TALAB HUA JISDAM WO QAFELA, ZAINAB KA FARTE YAAS SE DIL BAITH SA GAYA, AB KYA BAYAAN KAREY KOI RUDAADE KARBALA, HAI MUSKILAON MAIN ITRATE ATHAAR YA ALI
BAAD-E-HUSSAIN ZULM KA JAARI HAI SILSILA, GHURBAT KI SHAAM AUR WO SEHRA-E- KARBALA, SAB JAL CHOOKE KHAYAAM TO CHCHEENI GAYI RIDA, WO BEKASI WO ZAINAB-E-NACHAAR YA ALI
JAKDA HUA RASAN MEIN ASEERAON KA KARWAAN, HAIN BERIDA KHADI SAREY DARBAR BIBIYAAN, SHIDDAT HAI TAP KI AUR HAI SAJJAD-E- NATAWAAN, AB ZULME NARAWA KI HAI YELGHAAR YA ALI
SAR NANGE AHLEBAITH THE BAZARE SHAAM THA, NA MAHRAMAON KA CHAAR SOO EK IZDEHAAM THA, SAR KO JHUKAE WARISE KHAIRUL ANAAM THA, BEMAAR AB HAIN KITNA DILAFGAAR YA ALI
DARBAR MEIN SAMAAN HAIN AJAB SHOR-O-SHAIN KA, TASHTE TILA MEIN SAR HAIN SHAHE MASHRAQAIN KA, KIS HAAL MEIN HAI DEKHIYE KUNBA HUSSAIN KA, DARBAR MEIN HAIN HASHR KE AASAAR YA ALI
HAD HOGAYI QAYAMATE KUBRA HUVI BAPA, ZALIM KI WOH CHHADI WOLABE JAAN-E-FATIMA, BINTE ALI YE KEHTI THI ZAALIM NA KAR JAFA, HAIN SAR JHUKAE ABID-E-BIMAAR YA ALI
MASOOM KE GALE ME BANDHI HAI JO REESMA, YE HAAL HAI KE LETI HAI REH REH KE HICHKIYAN, PHAILAKE HAATH KEHTI HAI AAJAO BABA JAAN, POTI KE APNE DEKHIYE RUKHSAAR YA ALI
HUM BEKASAON KA NASIR-O-YAWAR NAHIN RAHA, ABBAS-E-BAWAFA SA DILAWAR NAHIN RAHA, QASIM NAHIN RAHA MERA AKBAR NAHIN RAHA, LAB PAR SOHAIL SAB KE THA HAR BAAR YA ALI