MAQTAL MEIN KHO NA JAYE KAHEEN LAASHE BEPIDAR
ABBAS DEKHO LAASHA-E-QASIM KO EK NAZAR
TAYGHON KI ZAD MEIN AAGAYA FARWA KA PISAR, SEENE SE SHAHE DEEN KE NIKALTA HAI AB JIGAR, WO GULBADAN KE SEHRE KI LADIYAN HAI KHOON ME TAR, HAI JISM PARA PARA LAHO MEIN BHARA HAI SAR, ABBAS DEKHO LAASHA-E-QASIM KO EK NAZAR
PAUNCHE JO DONO LASHA-E-QASIM PE NOUHAGAR, BIKHRE HUE THE TUKDE ZAMEEN PAR IDHAR UDHAR, NAZROU MEIN PHIR RAHA THA WAHIN BHAI KA JIGAR, APNI ABA BICHAHYE HAIN SHABBIR KHAAK PAR, ABBAS DEKHO LAASHA-E-QASIM KO EK NAZAR
PAMAAL HO KE HAYE GHAREEBUL WATAN GAYE, MAQTAL SE TABA KHAIMA JO IBNE HASSAN GAYE, ZAKHMON KE HAAR LE KE WO SHIREEN SUQAN GAYE, DIL GHAM SE DOOBTA HAI KAHAN GULBADAN GAYE, ABBAS DEKHO LAASHA-E-EQASIM KO EK NAZAR
FIZZA BHI DIL JALI RAHI KHAIME MEIN NOUHAGAR, FARWA NE SAR JHUKADIYA BETE KI LAASH PAR, ZAINAB NE AAH SARD BHARI LAASH DEKHKAR, KYA TUM KO MAIN BATAON KE PHAT TA HAI AB JIGAR, ABBAS DEKHO LAASHA-E-QASIM KO EK NAZAR
KUBRA BHI RAH NA PAYEGI DUNIYA MEIN CHAIN SE, KARBO BALA DAHELTI HAI ZEHRA KE BAIN SE, HUSHIYAAR MERE LAAL SHAHE MASHREQAIN SE, MAYYAT UTHEGI KAISE BHALA AB HUSSAIN SE, ABBAS DEKHO LAASHA-E-QASIM KO EK NAZAR