ALI KI BETI HOON AMMA FALAK SATAYI HOON, BAHEN HUSSAIN KI HOON AAP KI MAIN JAYI HOON
LAHAD PA MAA KI YE KEHTI THI ZAINAB-E-MUZTAR, SUNAUON KAISE MERE SAR SE CHIN GAYI CHADAR, TERE HUSSAIN KE HULQOOM PAR CHALA KHANJAR, LAHOO BHARA HUA KURTA MAIN LEKE AAYI HOON
SHAHEED HOGAYA BHAI CHINI RIDA SAR SE, JO AAYI SHAAME GHARIBAAN TOH JAL GAYE KHAIME, HAMARI GODH KE PAALE THE DASHT MAIN BIKHRE, MAIN EK DIN MAIN BAHATTAR KE GHAM UTHAYI HOON
NABI KI AAL KE KHAIMO MAIN THA AJAB MEHSHAR, THI SARI BIBIYA ZERE SAMAA BA REHNA SAR, HAR EKQADAM PAQAYAMAT GUZAR GAYI HUM PAR, BACCHA KE SHOLON SE ABID KO LEKE AAYI HOON
SHAHEED HOGAYE SAB KARBALA KE MAIDAN MAIN, KAMAYI LOOT GAYI SAB APKI BIYAAN BAAME, SAKINA MARGAYI GHUT GHUT KE HAYE ZINDAAN MAIN, MAIN QAID-E-SHAAM MAIN USKI LAHAD BANAYI HOON
RASOOL ZADIYAAN PESHE YAZEED BE PARDA, TAMAASH BEENO SE DARBAR THA SAJAYA HUA, SAR-E-HUSSAIN THA TASHT-E-TILA MAIN KHOON BHARA, NA THI RIDA TOH MAIN BAALAON SE MOOH CHUPAYI HOON
LARAZTE HOTHOU SE HO KIS TARHA BAYAAN AMMA, YAZEED-E-SHAAM KE DARBAR KA SAMAA AMMA, HAMARE BAZOO MAIN BAANDHE THE REESMA AMMA, KIYA JO BHAIYI SE WADA WO MAIN NIBHAYI HOON
SOHAIL NOUHA YE TERA ATAYE ZAINAB HAI, KE TERI FIKR MAIN SHAMIL DUAYE ZAINAB HAI, HAR EK LAFZ MAIN JAISE SADAYE ZAINAB HAI, LAHAD PA KEHNA YE AMMA MAIN LUT KE AAYI HOON..