MOHTARAM HAI KARBALA WALON KA GHAM
AAIYE MATAM KAREN IS GHAM MEIN HUM, ASHK-O-MATAM AUR ZIKRE KARBALA, MAJLISE SHAHE HUDA FARSHE AZA, DAR HAQEEQAT HAI YE ZAINAB KA KARAM, AAIYE MATAM KAREIN IS GHAM MEIN HUM
KYON NA IS GHAM MEIN RAHEIN AANSO RAWAN, FATIMA IS GHAM MEIN HAIN GIRYA KUNAN, BASS ISI GHAM MEIN KARO HAR GHAM KO ZAM, AAIYE MATAM KAREIN IS GHAM MEIN HUM
BHOOL JAO DAHAR KE SAB RANJ O GHAM, HAI GHAM-E-KARBO BALA SAB SE AHAM, KHALIQ-E-AKBAR KA HAI HUM PAR KARAM, AAYIE MATAM KAREN IS GHAM MEIN HUM
HUM KO KEHTE HAIN AZADARE HUSSAIN, KARBALA KE GHAM MEIN HUM KARTE HAIN BAIN, YOON NAMAZ-E-GHAM ADA KARTE HAIN HUM, AAYIE MATAM KAREN IS GHAM MEIN HUM
HUM KO MILTI HAI DUWA-E-FATIMA, HUM SE POOCHO KYA HAI JANAT KA PATA, KARBALA WALON KE HAIN GHAMKHAAR HUM
AAYIE MATAM KAREIN IS GHAM MEIN HUM
DEKHEN HUM MASHHAD NAJAF AUR SAMERA, KHUM MADINA KAZEMAIN-O-KARBALA, YA ALI PARWANA-E-QASIM HAI HUM, AAIYE MATAM KAREIN IS GHAM MEIN HUM
QASIM-E-NAUSHAH TU KARLE QUBOOL, KHOON MEIN DOOBE YE KUCH LAFZON KE PHOOL, RAKH LE AQA APNE SHAYER KA BHARAM, AAIYE MATAM KAREIN IS GHAM MEIN HUM
TASHNA LAB NAUSHA AYE IBNE HASAN, KHOO RULATA HAI TERA TUKDEY BADAN, PHIRTA HAI AANKHAON MEIN AUR ROOTEY HAI HUM
AAIYE MATAM KAREIN IS GAM MEIN HUM
CHHEY MAHINE WALE AYE PYASE SAGEER, WO TERI NHANNI SI GARDAN AUR WO TEER, KAMSINI MEIN TUHJ PE THA KAISA SITAM, AAIYE MATAM KAREIN IS GHAM MEIN HUM
JAANE-E-LAILA HUM SHABEEH-E-MUSTAFA, MAA NE DEKHA DHOOP MEIN LAASHA TERA, BAAP THOKAR KHA RAHA THA HAR KHADAM
AAIYE MATAM KAREIN IS GHAM MEIN HUM
AAJ YE JO MAJLISO KI SHAAN HAI, SANIYE ZEHRA TERA EHSAAN HAI, HUM AZADARON PE HAI TERA KARAM
AAIYE MATAM KAREIN IS GHAM MEIN HUM
HAIN RASAN BASTA ALI KI BETIYAN, BERIDA KAUNAIN KI SHAHZADIYAN, BAIN ZEHRA KAR RAHI HAIN DAMBADAM
AAIYE MATAM KAREIN IS GHAM MEIN HUM
KARBALA SE HAR SITAM SEHTI RAHI, SHAAM KE ZINDAAN MEIN AAKHIR MARGAYI, CHAAR SAALA DUKHTARE SHAHE UMMAM, AAYIE MATAM KAREIN IS GHAM MEIN HUM
HAI RASHEED AB DIL MEIN ITNI AARZO, PAHUNCHEN HUM KAUSAR PA YUNHI SUR KHURU, HAATH MEIN ABBAS KA LEKAR ALAM, AAIYE MATAM KAREIN IS GHAM MEIN HUM