sarwar ke wafadaar abbas kaha'n ho
lo aagaya bazaar abbas kaha'n ho
ye kucha-o-bazaar ye aghiyaar ka lashkar
sadqe ke khajoor aur to kisi haath me pathhar
marjaye na geerat se kahi'n abid e bimaar
is aalame ghurbat me rasan basta hai haalat
abbas bulaati hai tumhe gheerate sadaat
aane me na ab der karo sheh ke wafadaar
soncho to zara aale payambar ke muhafiz
ghazi mere bhai meri chadar ke muhafiiz
ye shaam ka bazaar kuja itrate athaar
waada hai kabhi pyaas se na aahe'n bharegi
paani ki sakina bhi shikayat na karegi
dariya se chale aao do-aalam ke madadgaar
zindaan-e-musibat me sakina huwi be aas
dariya se chale aao zara der ko abbas
duniya se guzarjaye na ghut ghut keye ghamkhaar
haathau me rasan hai isey dafnaungi kaise
is qaide museebat me kafan laungi kaise
ghurbat me sakina ki shahadat ke hai'n aasaar
hai saqt musibat ki ghadi aale nabi par
pohncho meri imdaad ko aye mere baradar
ab dakhila-e-ahle haram hai sare darbaar
darbaar me lejaate hai'n be-maqna-o-chadar
shayed mujhe mujboor samjhte hai'n sitamgar
aajao zara lashkar-e-sarwar ke alamdaar
riqqat hai sare farshe aza hashr bapa hai
ashkon se bilal e shahe wala ne likha hai
wo bain ke rota hai har ek sheh ka azadaar