SAQQAE SAKINA KE KATE NAHER PE SHANE
SHEH RUN KO CHALE APNI KAMAR HATON SE THAME
Farmate the ro ro ke wafadar bardaar
Kaise mein sahun bhai tera daagh ye dil par
Marne ki tere sunkar qabar howega mahshar
Qaimon mein kate shane mein lejaonga kaise
Khaimon ko jalane ke liye aaenge ada
Kaise kisi ko bachaengi bhala dukhtar-e-Zehra
Rehjaega bas kunbe mein bemaar akela
Wade bhi wo tafli ke hojaenge pooray
Ab sarse cheeni jaengi har ek ki chadar
Namoose sabhi hunge balwe me khule sar Aur unko rasan bandh ke lejaenge dar dar
Ruqsaar Sakina ke bhi hojaenge neelay
Khaimon mein yehi shore hain Abbas nahi hai
Lashkar ka Alamdar jo ab paas nahi hai
Bewon ko kisi tarha ki ab aas nahi hai
Bard jaenge ab hausle phir zulm-o-sitam ke
Bemaar ko pehnaenge ab toqu-e-garaa’n baar
aik aik khadam pe chalna bhi hojaega dushwaar
Pohchege durron ki aziat wo jafaakaar
Sajjad pe barsaenge har gaam ye kode
Asbaab sabhi loot ke le jaenge zalim Aur aik rasan mein unhe bandwaenge zalim
De de ke aziyat unhe rulwaenge zalim
Naizon pe shaheedo’n ke kate sar bhi chadenge
Kya waqt museebat tha Shahedeen pe usdam
Jab seena-o-sir peet ke sheh karte the maatam
Abbas ke marne se sabhi ankhen thi purnam
Ro ro ke Sohail ale nabi karte the naale