sakina naaz parwar qaid khane may rasan basta
sitam bin baap ki bachi pa dhaate hai adoo kaisa
pidar ke seene par aaram jo karti thi shehzadi
andhere qaid khane ki zameen par hai usay sona
sakina naaz parwar....
shahe wala ki pyari ki hai kaisi dekhiye ghurbat
jo barse os tan par to sahara hai ohata kurta
sakina naaz parwar....
sitamgar ne yun khayncha goshwaro ko sakina ke
machal kar rehgayi bachi lahoo kano se behta tha
sakina naaz parwar....
masaib chaar saala sheh ki dukhtar ne sahay kya kya
yateemi aur aseeri qaid khana shumr ki eeza
sakina naaz parwar....
jo dekha khaab may chehra pidar ka ro uthi bachi
pidar ke gham may royi to mila pursa tamachon ka
sakina naaz parwar....
dhaaya zulm zaalim ne sakina par kaha ro kar
bachale shumr se is dam na roungi mai ab bhaiya
sakina naaz parwar....
fasi apne pidar ka sar jo dekha tasht may usne
phate daman ko pehla kar kaha aajaiye baba
sakina naaz parwar....