roohe aqeel kehti thi dilbar hua shaheed
wa hasrata ke muslime bepar hua shaheed
ahle dagha ghareeb se ek dafa phir gaye
ghurbat naseeb bekaso bepar hua shaheed
aaya tha raahe raast dikhaane ke waaste
kya jaane kis qata pe dilaawar hua shaheed
kuffaar ne gira diya baalaaye baam se
haye haye ghareeb bekaso muztar hua shaheed
ummat ke zulmo jor ki had kuch na puchiye
koofe me rishtadaare payambar hua shaheed
itna to koofiyo se koi jaake puchta
kya mil gaya jo bekaso muztar hua shaheed
bechain quld me hai ali o wali ki rooh
kehte hai mustafa mera dilbar hua shaheed
ibne aqeel koofe me be yaar o ghamgusaar
ehle jafaa ke zulm uthaa kar hua shaheed