qaid mein ek char sala zindagi roti rahi
subha bhi roti rahi aur sham bhi roti rahi
1.karbala se shaam tak ek hashr ka hangaam hai
saath me sajjad ke zanjeer bhi roti rahi
2.godh mein baba ka sar jab-jab sakina ne liya
hichkiyan lekar sakina har ghadi roti rahi
3.khoon tha kanoo se jari neelgu rukhsaar they
zulm ki is inteha par be basi roti rahi
4.muztarib thi roshni deedar-e-bint-e-shah ko
roshni ki deed karne roshni roti rahi
5.godh mein aakar sar-e-shabir ne rokar kaha
dekhkar halat tumhari maa meri roti rahi
6.be kafan dafna diya bachee ko jab sajjad ne
binte sheh ki be kasi par qabr bhi roti rahi
7.chordkar farshe aza ko khuld mein jana pada
hashmi is waste yeh zindagi roti rahi…