Qaid mein ashk bahaati hai sakina ab tak
Apne ammu ko bulaati hai sakina ab tak
1. Mere jaisi na yateemi ki bala dekhe koi
Haaye ye nazr dilaati hai sakina ab tak
2. Jaane kistarha se zaalim ne tamache mare
Neele ruqsaar dikhaati hai sakina ab tak
3. Usse bhoola nahi jaata hai pidar ka seena
Shiddat e gham ko samaati hai sakina ab tak
4. Baad e asghar jo wo saaye me nahi baithi hai
Apni maadar ko manaati hai sakina ab tak
5. Usne akbar ke kaleje me sina dekhi hai
Seena akbar ka bhulati hai sakina ab tak
6. Khoon ke aansoo bahaata hai zamaane ka imam
Roti hai aur rulaati hai sakina ab tak
7.
Zameer
hoti hai majlis kahin bhi sarwar ki
Lahad ko chodh ke aati hai sakina ab tak
Kalaam : Janaab Mohibbe Abid Abidi Sahab (Zameer)