Qaid me sakina ne shaah ko pukaara hai
Dekhiye sitam kya ho zulm aashkaara hai
Dhoond ne kaha'n jaau'n, apne pyaare ammu ko
Kis taraf ko hai darya , kis taraf kanaara hai
Margaye hai sab mere, karbala ke maidaa'n me
Aisa lut gaya kunba , koi na hamaara hai
Kya kahu'n mai jo guzri, raahe shaam me baba
Kaan mere zaqmi hai, kurta paara paara hai
Meri laash ko bhayya, qaake tar me dafnaana
mar rahi hu'n mai pyaasi, pyaas hi ne maara hai
Ghul hai aaj zindaa'n me, mar gayi sakina jaa'n
dafn kaise ho mayyat, bhai be sahaara hai