Meri tarah mere baba ,koi yateem na ho
hui hai jaise sakina, koi yateem na ho
yateem ho ke yateemi ka dard samjha hai
ye gham saha nahi jata ,koi yateem na ho
suna tha log yateemn se pyar karte hai'n
mai bad naseeb hun baba,koi yateem na ho
koi to sar pa mohabbat se hath rakh deta
koi to deta dilaasa, koi yateem na ho
na aap aate hai baba na mout aati hai
azaab ho gaya jeena, koi yateem na ho
mujhe yateemi ka ehsaas yeh dilaata hai
mera phata hua kurta,koi yateem na ho
juda na ho kabhi *irfan* baap, beti se
uthe na baap ka saya, koi yateem na ho