Mujraee Shah ka hoon khuld mein hai ghar mera
Muntazar hoorein hain mushtaaq hai Kausar mera
Shah kehthay thay layeenou na sathaao mujhko
Maa hai Zehra meri Naana hai Payambar mera
Banu kehthi thi kay jungle main darreygaa logou
Kabhi tanhaa nahin soya Ali Asghar mera
Jo koyi poochtha kya sin tha tho kehthi Banu
Chey mahiney sey bhi kam tha Ali Asghar mera
Kehthi thi rooh-e-Mohammad yeh tamashaaiyoun sey
Bandh aankhein karo kunbaa hai khuley sar mera
Shah kehthay thay na soojhi mujhey Abbas ki laash
Leigaye haath pakadd kay Ali Akbar mera
Shimr kehtha tha main jab kartha tha Shabbir ko qatl
Kaisi mazloomi sey muh takthey thay Sarwar mera
Girya-e-Ahmad-o-Zehra ki sadaa aathi thi
Pakadd leytha tha koyi haath sey khanjar mera