Jab pyaas ki shiddat se bacche faryaado fughaa'n tak aa pohnche
Abbas ki jurrat ke jazbe ashko ki zabaa'n tak aa pohnche
Abbas ka chehra surq hua mumkin tha qayamat aa jaati
shabbir hi samjha sakte the jab baat yaha'n tak aa pohnche
shabbir ki khud aage badhkar bar waqt jari ko rok liya
abbas ke chad'te tewar jab qatre ke nashaa'n tak aa pohnche
abbas se moujo'n ne ye kaha hota jo ishaara ham aate
hum sharm se paani paani hai sarkaar yaha'n tak aa pohnche
ghazi jo taraayi se nikla bacho ke liye ek aas bandhi
shabbir se zainab ne poocha abbas kaha'n tak aa pohnche
sar bhaai ka zaanu par lekar shabbir ne kis hasrath se kaha
tum nehr se waapas aa na sake, hum khud hi yaha'n tak aa pohnche