hai jashne vilaadat me joshe masarrat -hussain aa gaye hai hussain aa gaye hai
ab islam mehfooz hai taa qayamat,-hussain aa gaye hai hussain aa gaye hai
hai chehre se himmat ke tewar numaaya'n, na kyu kar ho koofe ki deewaar larza'n
ke ab dil me lekar ali ki shujaa'at,-hussain aa gaye hai hussain aa gaye hai
na kyu kar ho qurban doure zamaani, fida ho rahi hai iram hi jawani
mila tujh ko sardaar aye baaghe jannat,-hussain aa gaye hai hussain aa gaye hai
na ho kis tarah shor salle alaa ka, har ek simt hota hai ghul marhaba ka
na kyukar ho mehfil me ab joshe mid'hat,-hussain aa gaye hai hussain aa gaye hai
falak se sada ghaib ki aa rahi hai, ke haqqaniyat ab mujassam hui hai
masarrat se ubhri hai mohre nabuwwat,-hussain aa gaye hai hussain aa gaye hai
inhi ki kahani zamana kahega, bas ab hashr tak naam inka rahega
karenge ye dinya ke dilo par hukoomat,-hussain aa gaye hai hussain aa gaye hai
jahannum me sota rahega jo shab bhar, sahar ko wo jaagega jannat me aakar
badal denge ek roz ye hur ki qismat,-hussain aa gaye hai hussain aa gaye hai