mad'he shabbir me jab uthaaya qalam, kya bataau ke kya kya mila dosto
ban gaya lafz nehjul balagha koi , koi quraab se ja mila dosto
aaj har chashme nam me ye tehreer hai, qisr dil me bapa jashne shabbir hai
apni palko pe ashko ki shamme lie, har koi muskurata mila dosto
gar teherjaata shabbir ka qafela , kaabe ki qaak ho jaati qaake shifa
qaake karbobala ki ye taqdeer thi, karbala ko ye rutba mila dosto
mutmain nafs ka wo jo haamil hua, jiski marzi ka taalib hua hai quda
poori tareeq me juz shahe karbala, kya koi aisa banda mila dosto
behre sajda jhukaaya tha jo qaak par, apni marzi se phir na uthaaya wo sar
wo jo jaari rahega qayamat talak, kya koi aisa sajda mila dosto
naam likkha jo kaaghaz pe abbas ka , naqsh ubharne laga sabr ka pyaas ka
karke darya pe qabza jo pyaasa raha, ek aisa bhi saqqa mila dosto
tum jo kehte rahe ya quda ya quda, hum bhi kehte rahe ya ali murtaza
tumko kaafa mila sirf kaaba mila, hamko mouloode kaaba mila dosto
ham gunahgaar hai ham qatawaar hai, par shahe karbala ke azadar hai
jinke sadqe me fitrus ko par mil gaye, hur ko roomaale zahra mila dosto