sada ye deta hai sajda-hussain jeet gaye
bachaake deen nabi ka
sina ki nok pe jaisi hi sar buland hua
ajeeb shaan se maqtal me mustafa ne kaha
wo dekho fatima zahra
ali ke lehje me qutbaat to sunaane do
zara si der hai zainab ko shaam aane do
yazeed qud ye kahega
qareebe qaanae parwardigaar ja to sahi
nazar se bughz ke parde zara hata to sahi
likha hai bar sare kaaba
sina ho teere-o kama'n ho, ya naiza-o qanjar
sitam ki tegh ho bhaale ho dhaal ho ke tabar
zabaa'n pe sab ki yahi tha
kiya jo nehr pe qabza ali ke dilbar ne
salaam pyaas ko badhkar kiya samandar ne
pukaarne laga darya
ameere shaam kahan ab teri hukoomat hai
mere hussain ke qadmo pe laashe baiyat hai
uthaale aake janaza
aza'n me lehjae akbar ka is qadar tha asar
abhi to jang ka aaghaz bhi nahi hai magar
zameere hur ka hai daawa
ali ki tarjuma sajjad ki zubaan hui
har ek simt se bewaqt jab azaan hui
pukaari saanie zahra
hai aqse faatahe qaibar ye bezubaan nahi
aye hurmala tujhe maloom iski shaan nahi
abhi kahega ye bacha
bigaada kya hai takallum hamara fatwo ne
zamana goonj raha hai sadaae maatam se
gali gali me hai charcha