heyhaat minnaz zilla
paigham e hussain ibne ali aam karenge
haq ke liyeh batil se sada ladte rahenge
har zulm ko awaz yehi dete rahenge
heyhaat heyhaat heyhaat minnaz zilla
rokega kaise koi bhala matam e sarwar
hum gham bhi manate hai sabhi ashk bahakar
sar par hai kafan hum hai fidaye ali akbar
heyhaat heyhaat heyhaat minnaz zilla
hum ashiq e haider hain suno hum hain hussaini
gardan ko kata dena hai miras humari
manzoor nehi humko yeh zillat ki zindegi
heyhaat heyhaat heyhaat minnaz zilla
qasim ne shahadat ka maza humko bataya
miti yeh shahadat hai shahad se bhi ziyada phir kyon na lade kyon na mare jaake karbala
heyhaat heyhaat heyhaat minnaz zilla
shabbir ke rouze main sada hoga arbayeen
jitna bhi chahe zulm karo kam e zalemeen
tum rukna chaho na rukengay yeh zayereen
heyhaat heyhaat heyhaat minnaz zilla
karbo bala najaf toh kabhi jaaye samera phir kazemeen o shaam kabhi shehr e madina
nabood hum karenenge sabhi zulm aur jafa
heyhaat heyhaat heyhaat minnaz zilla
naize pe sar hussain ka kehta hai aaj bhi
leila ke noor e ain ka kehna hai aaj bhi
nanha sa woh shaheed sunata aaj bhi
heyhaat heyhaat heyhaat minnaz zilla
abbas ke parcham ko liyeh aage badenge
os bawafa ke naam ko roshan hi rakhenge
bazu bhi jo kat jaye agar kehte rahenge
heyhaat heyhaat heyhaat minnaz zilla
humko hai intezaar zahoor e imam ka
mehdi ke saath saath rahein hai yehi dua
jab tak hai jaan dega raza bas yehi sada
labbaik labbaik labbaik ya mehdi