ek din mein bhare ghar ko luttay huwe dekhi hoon
zainab ne kaha bhai ko marte huwe dekhi hoon
1. jab qasim e muztar ka pamal huwa lasha
kuch pal mei hi kubra bhi dulhan se bani bewa aur kubra ko bewa mai bante huwe dekhi hoon
2. yeh aun o mohammed ki kya wada wafai hai
bachou ne mere sheh pe jaan apni lutai hai
lashou pe main bhai ko rote huwe dekhi hoon
3. aramaan tha mera ke dulha mai banaoogi
mere ali akber ka sehra mai sajaoogi
ab usko jawani mein marte huwe dekhi hoon
4. nanha ali asgher jab nusrat ke liye pohcha
ek teer se zalim ne masoom gala cheda
besheer ka manka mai dhalte huwe dekhi hoon
5. masoom se bache the aur tashnadahani thi aur samne nazrou ke dariya ki rawani th
mai pyass se bachou ko marte huwe dekhi hoon
6. haai yaad mujhe ab tak lamhe woh judai ke
ro ro ke lipatjana bachi ka woh qadmou se
bhai ko suey maqtal jatay huwe dekhi hoon
7. mai qaime se takti thi iss khoon bhare manzar ko par rok na payi main chalte huwe khanjar ko
sar tan se juda sheh ka hote huwe dekhi hoon
8. jab shaam e ghareeba mein chadar meri chinti thi
mai barha ghazy ko awaz lagati thi
abbas ke laashe ko sehme huwe dekhi hoon
9. mai samne thairi thi aur jalte rahe qaime
ruqsar sakina ke neele the tamachou se
bimaar ka bistar mai jalte huwe dekhi hoon
10. ashoor ko dekhe hain maine yeh sabhi manzar
dil hilta hai rahil ka zainab ka bayan sunkar
ek din mei bhare ghar ko luttay huwe dekhi hoon