dar se bali sakina pukari dulha bhai ki aati hai mehndi
aao amma idhar aao waari dulha bhai ki aati hai mehndi
mai to qaime me jaane na doongi nekh mera mai jab tak na lungi
dar pe aakar khadi hai sawaari dulha bhai ki aati hai mehndi
laao masnad kahan hai bichaao, laao chiksa kahan hai lagaao
amma pyari utho jald waari dulha bhai ki aati hai mehndi
laao qaahar ko masnad pe laao, laao dulhan banakar bithaao
laao pehnaake poshaak bhaari dulha bhai ki aati hai mehndi
kehke ammu ko pani mangaao jald shadi ka sharbat banaao
dekhe koi khushi ko hamaari dulha bhai ki aati hai mehndi
chhupne waale jo hai karle parda paas dulhan ke aata hai dulha
saath hai bhai akbar bhi waari dulha bhai ki aati hai mehndi