APNI ABA BICHA KAR TUKDE UTHA RAHE HAIN, DULHA KI LAASH SARWAR MAQTAL SE LA RAHE HAIN
HAR GAAM SONCHTE HAIN FARWA KO KYA BATAO, PAMALIYE BADAN KI RUDAD KYA SUNAO, KIS TARHA LAASHE QASIM KHAIME MEIN LEKE JAYO, HAR EK QADAM PA RUKH KAR AANSU BAHA RAHE HAIN
RAAHE KHUDA MEIN QASIM JAAN APNI NAZAR KARNE, PAANE KO IZNE SHEH SE THE MUZTARIB KUCH AISE, KHUSH HOGAYE WASIYAT BABA KI MAA SE SUNKE, TAWEEZ APNI LAKAR SHEH KO BATA RAHE HAIN
SEHRAYE KARBALA MEIN SHAADI RACHI YE KAISI, HAIN TEEN DEEN KE PYASE JISME SABHI BARATI, SHADI KE GHAR MEIN HAR SU CHAYI THI EK UDASI, BETI KO APNE SARWAR BEWA BANA RAHE HAIN
SHAADI KI JAA PA MATAM ALLAH KYA SAMA HAI, RANJ-O-ALAM MEIN DOOBA PYASO KA KARWAN HAI, FARWA KE DIL KA YARAAB YEH KAISA IMTEHAAN HAI, MASNAD BICHI HUI HAI DULHA KO LA RAHE HAI
SEHRE KI SAARI LADIYA RAN MEIN BIKHAR GAYI HAIN, SHADI KI SAARI KHUSHYA JANE KIDHAR GAYI HAIN, MANZAR LAHOO LAHOO THA NAZRE JIDHAR GAYI HAI, NOUSHAH-E- KARBALA KA SAB GHAM MANA RAHE HAIN
KUCH DER KI YEH DULHAN BAITHI HAI SAR JHUKAYE, HUM SIN HAI KOUN JISKO AB DARD-E-DIL SUNAYE, YEH DHOOP BEKASI KI YEH BEWAGI KE SAYE, JAZBE UDASIYO KA TOOFAN UTHA RAHI HAIN
IBNE HASAN KA LAASHA KHAIME MAIN AAYA JISDAM, US DAM SOHAIL BARPA THA EK SHOR-E-MATAM, AB HAAL KYA BAYAAN HO JO KARB THA ALAM, HAR DIL PA RANJ-O-GHAM KE BADAL SE CHHA RAHE HAIN...