DURROKI AZIYAT HAI NA ZINDAAN E JAFA HAI, ZAINAB HAI MADINA HAI GHAM-E-KARBO BALA HAI
PHIR JATA HAIN ANKHON MEIN WO ASHOOR KA MANZAR, MAQTAL KI FIZAAON MEIN WO AZAAN-E-ALI AKBAR, WO NUSRATE SHABBIR MEIN ANSAR KE TEWAR, DO LAAKH KE NARGHE MEIN WO AULAADE PAIYAMBAR
WO MAQTAL-E-KHONEBARAR WO DARIYA KI RAWANI, TEERO KI WO BARISH MEIN WO TASHNA DAHANI, GHERE HUE SAHIL KO KAYI ZULM KE BAANI, BESHEER KE HOTHOU KO TARASTA HUA PAANI
SAB QATL HUE LOOT GAYA ZEHRA KA BHARA GHAR, WO NAHER PA SOYA HUA ABBAS-E-DILAWAR, WO KHOON MEIN DOOBI HUI TASWEER-E-PAIYAMBAR, WO HALQPA SARWAR KE RAWAN SHUMR KA KHANJAR
KEHTI HAIN KABHI AYE MERE AAGOSH KE PAALE, KYA BAAT HUI KIS LIYE AMMA SE KHAFA HO, KHUD AA NAHI SAKTE HO TO AWAAZ SUNAYO, AYE OUN-O-MOHAMMAD MUJHE MAA KEHKE PUKARO
WO SHAAME GAREEBA WO LAYEENO KE IRAADE, WO SABR KE KHAEMO MEIN QADAM FOUJ-E-SITAM KE, WO MAAYOON KI AAGOSH MEIN SEHME HUE BACCHE, JALTE HUE KHAIME WO BHADAKTE HUE SHOLE
KOOFE MEIN NABI ZADIYOON BE MAQNAO CHADAR, WO SHAAM KA DAR BAR WO AULAADE PAIYAMBAR, MOHTAJ –E-RIDA HYDER-E-KARRAR KI DUKHTAR, ZALIM NE RAKHA TAQT KE NICHE SARE SARWAR
WO SHAAM KE ZINDAAN WO SEHMI HUI RAATEIN, MAAHOL PURUSHUB MEIN GUZARI HUI RAATIN, HALAAT KE EK MOUT PA THARI HUI RAATEIN, YAAD AATI HAI REH REH KE WO TAPTI HUI RAATEIN
KYA KHOOB ZAHEER AAPNE LIKHA HAI YE NOUHA, TASKEEN-E-DIL-E-FATIMA ZEHRA HAI YE NOUHA, KULSOOM KI ZAINAB KI TAMANNA HAI YE NOUHA, BAQSHISH KA SARE HASHR SAHARA HAI YE NOUHA..