1.Bhaiya teri maa jayi ne yeh bhi dekha shaam ke baad
shaam se pehle khatl huwa tu paani aaya shaam ke baad
2. din ke ujaale mein laila ne hashr ke manzar dekhliye
noke sinha per dekh rahi hai chand ka tukda shaam ke baad
3. qasim-o-akber aun-o-mohammed khana-e-zehra ke the chiraag
soone ghar me yaad ayega har shahzada shaam ke baad
4. baba ko jab yaad karegi shimr tamache maarega
ho jayenge khoon mein tar ruksaar-e- sakina shaam ke baad
5. jalte khaime hashr ka manzar haye sitam abbas nahi
dhoond rahi hai zainab-e-muztar qaima qaima shaam ke baad
6. asghar maqtal jaate jaate khushbu apni chod gaye
maa ankhon se choom rahi hai khaali jhoola shaam ke baad