Berida kyun nazar aati zainab aaj abbas jo hote
moo na balon se chupati zainab aaj abbas jo hote
1. dulhane aun-o-mohammed ki le aati ghar me
byaha akbar ka rachati zainab aaj abbas jo hote
2. shahzadi ki tarha apne watan mein rehti
khaid hokar nahi jati zainab aaj abbas jo hote
3. roz shabbir ki masnat ko sajati ghar mein
farsh-e-matam na bichati zainab aaj abbas jo hote
4. sar khule is ko toh suraj ne bhi dekha na yazid
kab tere samne aati zainab aaj abbas jo hote
5. khwab kya kya nahin dekhe the sakina ke liye
uski turbat na banati zainab aaj abbas jo hote
6. ya ali aayiye ab khud hi bachane ke liye
taziyane to na khati zainab aaj abbas jo hote
7. ghar mein ayyi toh na pehchansake abdullah
kya zayifa nazar aati zainab aaj abbas jo hote
8. kaha mo dhaap ke yeh asr ke suraj ne saroosh
be rida kyun nazar aati zainab aaj abbas jo hote