BHAI KE GHAM MEIN SHAH KI KAMAR KI TOOTH GAYI HAI
ZAINAB KE QALB-O-CHAAK SE EK HOOK UTTHI HAI, MASOOM SAKINA PA QAYAMAT KI GHADI HAI, EHLE HARAM MEIN MATA-E-ABBAS-E-ALI HAI, SEHRAYE KARBALA MEINYAHI NOUHA GARI HAI
ABBAS KHAIMA GAH MEIN PAANI NA LAASAKE, BACHCHAY HAI INTEZAAR MEIN KUZEY LIYE HUVE, KAISE KAHAIN HUSSAIN SAKINA KE SAAMNE, ABBAS TASHNALAB LABEY DARIYA GUZAR GAYE
MASHK-O-ALAM KO LAAYE HAIN JO QAIMA GAAH MEIN, ALAM EK IZTERAAB KA HAI QALB-E-SHAH MEIN, KYA DARD-E-DIL NEHAA HAI SAKINA KI AAH MEIN, SHAAM-E-GARIBAA PHIRTI HAI SHAH KI NIGAAH MEIN
KUCH DUM MEIN HOGI SEENAYE SHABBIR PAR SINA, BARCHI JIGAR PA KHAKE SIDHARE GA NAUJAWAN, AB HURMULA HAI TEER HAI AUR HALQ-E-BEZABAAN, HO JAYEGI ASEER NABI KI NAWASIYAAN
WO WAQT HAI KAREEB KE JALNE LAGE GA BAN, MAQTAL MEIN HONGEY LAASHEY SHAHDAO KE BE KAFAN, DAST-E-SITAM SE TADPEGI BINTE SHAH-E-ZAMAN, ZAINAB KE BAZUAOPA BANDHI JAYEGI RASAN
ZAINAB JIGAR FIGAAR KI CHADAR KI KHAIR HO, YARAB SAKINA BIBI KE GOUHAR KI KHAIR HO, BEEMAAR NATAWAN KE BISTAR KI KHAIR HO, GHURBAT MEIN FATIMA KE BHARE GHAR KI KHAIR HO
PYASI SAKINA REH GAYI SAQQA NAHI RAHA, SAQQEY KE GHAM MEIN HOTA HAI PAANI FURAAT KA, JUNGLE MEIN LUT RAHA HAI GULISTAAN-E-FATIMA, SAR PEET TI HAI KHAAQ UDATI HAI KARBALA
DARBAAN-E-SHAAM MEIN MERA CHOUTHA IMAAM HAI, AUR SAR BAREHNA ZAINAB-E-AALI MUQAAM HAI, IN MANZILAO MEIN SABR TO ABID KA KAAM HAI, ABBAS KI JUDAI QAYAMAT KA NAAM HAI
JIS DAM RAFI KHAAK PA WO AASMAA GIRA, GIRNEY SE US JARI KE BURA HASHR HO GAYA, KAMZOOR FOUJ-E-SHAAM KA PHIR HOUSLA BADA, ABBAS KYA UTHAY KE QAYAMAT HUVI BAPA..