baqar ke ghar me phaili masarrat ki roushni
hai do jaha'n me haq o sadaqat ki roushni
ha ye imame jaffer e sadiq ka noor hai
jaayegi taa ba arsh sadaqat ki roushni
baqar ka laal aaya hai padhte raho durood
phailao chaar soo ye ibadat ki roushni
martoob panjetan se hai phailegi hashr tak
sadiq ka noor yaani imamat ki roushni
ham manqebat sunate hai baqar ke laal ko
bazme wila me phaili hai jannat ki roushni
phailayenge zamane me ham isko har taraf
sadiq ka hai payaam mohabbat ki roushni
ham paanchwe imam ko dete hai tehniyat
karlenge wo qubool aqidat ki roushni
sajjad ka hai pota ye baqar ka noore ain
baatega ye bhi ilm ki doulat ki roushni
pohancha do ham ko shehre madeena mere imaam
aankhou pe sab ki rakh do ziyarat ki roushni