atthara bhaiyo'n ki behen qaid huwi hai
pardes me zainab pe qayamat ki ghadi hai
hamraah muhafez the amaari thi rida thi
yasrab se basad shaan chali jis ki sawari
be aasra maqtal se wohi bibi chali hai
rota hai tadapta hai dil-e-abid-e-muztar
girjata hai sar ghazi ka naize se zamee'n par
rassi jo nabi zadi ke haato'n me bandhi hai
imdaad ko shehzaadi bhala kisko pukaare
islam pequrbaan huwe saare sahaare
pardes me majboor bohat binte ali hai
wo jisko andhere ne bhi dekha na khule sar
laaye hain usey din ke ujaale me sitamgar
chadar bhi nahi sar pe, gharibul watani hai
jab shimr sakina ko lagata hai tamache
us waqt sada deti hai zainab yehi roke
zalim meri bachi bade nazo'n ki pali hai
saidaniya'n har gaam pe kehti hai tadapkar
ham aale mohd hai'n yun barsao na phathar aur saare sitamgaro'n ke hoto'n pe hasi hai
darbar me ek aur qayamat huwi barpa
dildoz nazara tha jo zainab ne hai dekha
bhai ka hai sir aur sitamgar ki chhadi hai
likhne ki kamaal ab to nahi taab qalam me
maghmoom hua saara jaha'n bibi ke gham me
roya wo bohat jisne ye tareeq padi hai