fizza se ye farmate the rokar shahe mardaa'n zahra nahi ghar me
dunya se uthi fatima ghar ho gaya veeraa'n zahra nahi ghar me
yaad aaegi zahra to alam dil pe sahunga, bechain rahunga
mujh se na raha jaaega ek lehja bhi ab yaa'n zahra nahi ghar me
dekha nahi jaata hai in atfaal ka rona, mu ashko se dhona
maa ke lie bache mere har waqt hai giryaa'n zahra nahi ghar me
do betiya do bete gayi chord ke zahra, koi nahi unka
kis tarah pale mujhse ke chaaro bhi hai naadaa'n zahra nahi ghar me
yaad ati hai har waqt mujhe binte payambar, gham hota hai dil par
ghar dekh ke kyu rou na mai roz har ek aa'n zahra nahi ghar me
pehlu pe wo sadma hua do paslia tooti, aur mujh se wo chooti
ab kisko sataayenge sitamgaar har ek aa'n zahra nahi ghar me