ye kehte the shahe wala sakina ham nahi honge
satayenge tumhe aada sakina ham nahi honge
utho seene se lag jaao ke ham marne ko jate hai
abhi ek hashr sa hoga sakina hum nahi honge
bujhane ke liye koun ayega bhadke hue shole
jale ga jis ghadi qaima sakina hum nahi honge
haram ke sar se cheeni jayegi chadar sare maqtal
ye zulme na rawa hoga sakina hum nahi honge
agar neend aaye to abid ke seene par hi so jana
hume tum bhool hi jana sakina ham nahi honge
bhara darbar hoga aur tumhara imtehaan lene
yazide be haya hoga sakina ham nahi honge
agar nana ki ummat se tumhe sadma koi pohanche
na dekho bad dua karna sakina ham nahi honge