Yasrab ka ek Musafir mashad me margaya hai Roti'n hain Fatima aur ghamgeen murtuza hai
1.
Shabbir ki tarah hi marqad nabi ka choota Rote the phir baqi me keh keh ke haaye zehra Beto se betiyou se ruqsat hue Jo moula Kehte the sab ye rokar ab koun aasra hai
Yasrab ka ek Musafir mashad me margaya hai
2.
Farzande Fatima ko zehre dagha Diya hai Mamoon ne Raza ko zehre dagha Diya hai Yu'n sharte la ilaah ko zehra dagha Diya hai Bilkul Hassan ke jaisa Tukde jigar hua hai
Yasrab ka ek Musafir mashad me margaya hai
3.
Zehre sitam se moula shiddat ki pyaas me hai Sehkar har ek gham ko rab ki sipaas me hai Bhai hai na pisar hai na koi paas me hai Mazloome karbala par aansoo Baha Raha hai
Yasrab ka ek Musafir mashad me margaya hai
4.
Bhai se Milne mashad aayi Raza ki khwaahar Dekha ke sab shaher me parcham siyaah Hai Ghar Ghar Maloom jo karaaya Bibi ne tha bhijaakar Rone lagi bahen bhi jaise hi ye suna hai
Yasrab ka ek Musafir mashad me margaya hai
5.
Bechain mustafa hai moula raza ke gham me Rote hain peetke sar bekas pa saare gham me Hai Saif Asghari bhi girya kuna ye gham me Roti hai sab khudaayi kaisa ye saneha hai
Yasrab ka ek Musafir mashad me margaya hai