UTHTA HAI AB JANAZA LAILA KI HASRATON KA
SAR TA QADAM HAI KHOON MEIN BARSON JISE THA PALA
Manzar pisar ka aise Allah na dikhaye
Beta tadap raha hai barchi jigar pe khaye
Aansu lahu ke Sheh ko ro ro ke jo rulaye
Sheh kar rahe hai nale bas tham kar kaleja
Atthara(18) saal maa ne nazon se jis ko pala
Apne pidar ki wo jo ankhon ka tha ujala
Maara tha zalimon ne jis ke jigar pe bhala
Jane khuda ye manzar kis tarha Sheh ne dekha
Wo aydiyan ragardna kardyal jawan ka paiham
Allah kis tarha se dekhe pidar ye alam
Lashe jawan pe ro kar Sheh kar rahe the matam
Kehte the ankhen kholo do kuch jawab beta
Akber chale the jis dam madar se hoke rukhsat
Jane lagi thi Sheh ki bas sath hi basarat
Kaise kare gawara apne pisar ki furqat
Murd murd ke mujh ko dekho kehte the Shahe wala
Milta nahi tha Sheh ko apne pisar ka lasha
Ro ro ke keh rahe the tum kis taraf ho beta
Kuch soojhta nahi hai ankhon mein hai andhera
Apni sada sunao dil phat raha hai mera
Lasha kabhi uthate rakhte kabhi zamee’n par
Kehte the uth na paye ab lash teri dilbar
Maa muntazar hai beta khaime ke dar pe muztar
Is haal mein jo dekhe marjayegi wo dukhya
Ye karb ke manazer kaise Sohail likkhe
Wo khak-o-khoon ka manzar kis tarha maa bhulaye
Saaye me Umme Laila baithi kabhi na haye
Tha maa ke lab pe har dam aye mere laal aaja