Pohnnche ye nazm yu'n shahe zeeshaa'n ke saamne
jis tarah paaye maa sulaimaa'n ke saamne
Har dam sakina laati thi taskee'n ke waaste
khaali katore asghare naadaa'n ke saamne
rokar behen se kehte the hazrat ye roze qatl
hum zib'ha honge asr ko amma ke saamne
zib'he halaal me to ye hukme rasool ho
haiwaa'n ka khoo'n bahaao na haiwaa'n ke saamne
waa hasrata ke fatima sar peet'ti rahi
pyaase hussain zib'ha hue maa se saamne
rakh lei'n utha ke sar pa adab se ye chaahiye
mas'haf jab aaye saahibe eemaa'n ke saamne
neeche sare hussain ho aur taqt par yazeed
phailaaye paao'n baitha ho quraa'n ke saamne