Qabr asghar ki banane me bohot der lagi
sheh ko ek chand chupaane me bohot der lagi
maa ne pucha mere asghar ko kaha'n chord aaye
Sheh ko ye baat bataane me bohot der lagi
kuch qadam door hai bazaar se darbar magar
phir bhi shehzadi ko aane me bohot der lagi
qabr asghar ki....
sheh ne har laash ko jaldi se uthaya lekin
laash akbar ki uthane me bohot der lagi
qabr asghar ki....
tukde chunte hue qasim ke kaha maula ne
haaye afsos ke aane me bohot der lagi
qabr asghar ki....
is qadar pyas se sookha tha gulu-e-sarwar
shimr ko tegh chalaane me bohot der lagi
qabr asghar ki....
karbala jaake takallum ne yahi poocha tha
mujko sarkar bulane me bohot der lagi