pamaal run me hogaya noushahe karbala
shabbir ran se dete hai'n ro ro ke ye sada
pamaal ran me hogaya noushahe karbala
allah paara paara hai noushaah ka badan
veeran jis tarah koi pholou'n se ho chaman
kistarha le ke jaau'n mai lasha yateem ka
ek pal me bewa hogayi beti hussain ki
kaise guzaregi bhala dushwaar zindagi
ye kehke rote jaate hain ab shahe nainava
fizza pukari khaime ke dar se basad malaal
aate hai'n ran se qasim e noushah e khush qisaal
dulhan ko jaake thamle badkar koi zara
ibne hasan ke laashe pe kubra ne ek baar
hasrat bhari nigaah se dekha bahaale zaar
boli lipat ke qadmo'n se hai hai ye kya hua
bewa huwi hai aapki kuch pal me ye dulhan
haathou'n me hogi ab mere kangan ki ja rasan
chheenenge bad-siyar yehi kehkar meri rida
khaime me khaak udaate hai'n ahle haram sabhi
shaadi na hogi hashr tak aisi kahi'n kabhi
nouha yahi zubaan pe sab ke hai ya khuda
ek hashr barpa hogaya farwa ke sun ke bain
tukdou'n me bat gaya hai mera laal noor e ain
tera baras me pyaas ki haalat me be qata
anwar hua tha hashr ka hangaam us ghadi
kubra ne dekh kar kaha laashe ko jis ghadi
ab jake kya karu'n meri duniya huwi fana