PAANCH IMAMON KA RAHA BAN KE SAHARA ABBAS
FATEMA ZEHRA KA BETA BANU HASHIM KA QAMAR
CHAUDA MASUM KI HAI AANKH KA TARA ABBAS
KOI KYA SAMJHE USE JISKO KAHE AALE NABI
HUM HAIN GAMKHAAR ZAMAAANE KE HAMARA ABBAS
KHUD HI MASHKIZE MEIN ABBAS KE AA JAATI FURAT
USKO KAR DETE AGAR EK ISHARA ABBAS
TERI TURBAT KE JO ZAWWAR HAIN BATLAATE HAIN
ALQAMA PAR HAI TERA AB BHI IJARA ABBAS
SHEH NE ABBAS KO SONPI JO SIPEH SALAARI
HAR ZABAAN PAR HAI FAQAT EK HI NARA ABBAS
WO TO KAHIYE NA MILA IZNE WEGA GHAZI KO
WARNA KIS JUNG MEIN AFWAAJ SE HAARA ABBAS
DE KE MASHKIZA SAKINA SE KAHA SARWAR NE
LAUT KE RUN SE NA AAYEGA TUMHARA ABBAS
HASRATO YAAS SE TAKTE THE HARAM AUR HUSAIN
LE KE MASHKIZA JO MAIDAAN KO SIDHARA ABBAS
RAKH KE SAR ZANU PE ABBAS KA KEHTE THE HUSAIN
SAATH GURBAT MEIN NA YUN CHHODO KHUDARA ABBAS
SAR BAREHNA JO HARAM THE TO SARE NOKE SINA
DEKHTA KAISE BHALA SHARM KA MAARA ABBAS
CHAADAREIN CHHINNE PA YAAD AAYA HAR IK BIBI KO
HAR TAMAACHE PA SAKINA NE PUKARA ABBAS
SIBTE JAFAR HO AZADAR TO KYUN HASHR KI FIKR
HOGA WAAN PEHLE SE MAUJUD HAMARA ABBAS