pamaal laashe qasim sarwar jo laaye ran se
manzar lahu bhara kya dekha gaya dulhan se
kya guzri uske dil par kistarha wo bataye
thi kamsukhan dulhan aur qasim the kamsukhan se
khamoosh hai sakina gumsum hai saare bachche
zakhmo'n ki wo sada hai qasim tere badan se
pal ki dulhan thi kubra pal me bani hai bewa
majboor hogayi hai rehna saki jatan se
sar par nahi hai chadar kistarha mu chhupaye
aajiz huwi hai dulhan baandhi gayi rasan se
iqbal likh saka na kubra ka haal kya tha
dulha ki laash kyu'nkar dekhi gayi dulhan se