mera jhoole wala asgher
batlaade mujhe aye beta ab kaise jiyegi madar
nazuk se gale par teer laga aur zulm ka phir khanjar bhi chala
duniya me koi maa meri tarha
dekhe na kabhi ye manzar
ye kaisi qayamat aayi hai
khaime me udaasi chhayi hai
tum sote ho beta sehra me
bechain hai dukhiya madar
gehware me karwat le le ke
wo dekhna mujhko hasrat se
tadpata hai dil ko shaam-o-sahar
khush hoke humakna dilbar
hai ghair sakina ki halat
har lamha masaeb ki shiddat
ab aao bulaati hai beta
roro ke tumhari khwahar
tum jab se gaye ho aye beta
dushwaar huwa maa ka jeena
har lamha musibat aati hai
har saans me hai ek mehshar
jab hogi kahi'n majlis barpa
jab jhula tumhara utthega
dene ko duwa lene pursa
maa jayegi beta ghar ghar
chhe maah me aye goudi ke pale
nusrat ke liye baba ki gaye
manzar thi yehi madar ki sada
har saans pa asgher asgher