MAQTAL MEIN SHAAH-E-DEE’N KA LASHA PADA HUWA HAI
Farzand-e-Fatima ko ghera hai ashqiya ne
Shamsheer-o-Tegh-o-Khanjar, Naize hain aur bhaale
Ab kaun hai jo run se laasha uthake laaye
Kaisi hai ye qayamat, kaisa ye saaniha hai
Raah-e-Khuda mein jiska sajde mein sar kata hai
Maidan-e-Karbala mein besar pada huwa hai
Jalti huwe zamee’n par laasha tadap raha hai
Kaisi hai ye qayamat, kaisa ye saaniha hai
Paamal horaha hai Ibn-e-Ali ka laasha
Koi nahi bachata Shah-e-Huda hai tanha
Abbas jald aao run mein pada hai aaqa
Kaisi hai ye qayamat, kaisa ye saaniha hai
Laaye the run se Sarwar Ibn-e-Hasan ke tukde
Ab kaun Laash-e-Sarwar maqtal se leke aaye
Bikhre huwe hai tukde maidaa’n mein Laash-e-Shai ke
Kaisi hai ye qayamat, kaisa ye saaniha hai
Laashe uthaye jisne din bhar bala ke bun mein
Laasha pada hai uska besar bala ke bun mein
Ghurbat ka hai numayaa’n manzar bala ke bun mein
Kaisi hai ye qayamat, kaisa ye saaniha hai
Manzar ye Karbala ka dega Ali gawahi
Sibt-e-Rasool par ye aafat hai kaisi aayi
Ye ANJUMAN HUSSAINI karti hai aah-o-zaari
Kaisi hai ye qayamat, kaisa ye saaniha hai