ek shor qayamat ka madine me hai barpa aye abide muztar
zaalim ne tumhe zehr se maara mere moula aye abide muztar
maa behno ko darbaar me dekha hai khule sar, kya seh gaye dil par
misl aap ke saabir koi dunya me na guzra, aye abide muztar
jab leliya chullu me wazu ke lie pani , aansu hue jaari
chalees baras roe hai tum baap ko aaqa, aye abide muztar
the gosha nashee'n kaam na tha kuch bhi jaha'n se, tha uns makaa'n se
ye bhi to na dunya ko gawara hua moula , aye abide muztar
dilwaaya tumhe zehre dagha aye shahe aali, saazish thi shaqi ki
dushman jo tumhara tha walide sitam aara, aye abide muztar
*baaqar* na rahe chain se sajjade dilafgaar, the jeene se bezaar
sab umr museebat me kati aapki aaqa, aye abide muztar