abbas e alamdaar abbas e alamdaar
haye haye mere lashkar ke alamdaar
ek baar mujhe bhai to kehdo
aye mere akhi mere wafadaar
ek baar mujhe bhai to kehdo
poori karo ab meri tamanna bhi khudara
ye teri wafa hai mujhe moula hi pukaara
aaqa hi pukara
dil hota hai bechain aye ghamkhwaar
ek baar mujhe bhai to kehdo
ye waqt chalaata hai mere qalb pe khanjar
bedast tujhe dekhu'n bhala kaise baradar
kaisa hai ye manzar
tum hi ho mere jaffar e tayyar
ek baar mujhe bhai to kehdo
mere liye baba ne tujhe maanga tha rab se
hasrat hai yahi bhai sunu'n mai tere lab se
bechain hu'n kab se
aye aarzu-e-hydere karrar
ek baar mujhe bhai to kehdo
ghurbat ki ghata chaaro taraf chhayi huwi hai
aankho'n me andhera hai kamar toot gayi hai
haalat ye meri hai
ab hogaya jeena mera dushwaar
ek baar mujhe bhai to kehdo
toofan e masayeb me ghira mera safeena
yaad aata hai reh rehke bohat hamko madina
roti hai sakina
aulaad e mohammad ke madadgaar
ek baar mujhe bhai to kehdo
bete ki tarha paala hai maine tujhe bhai
hai khoon ke tar aaj magar meri kamayi
sun meri duhayi
is baat ka hu'n tera talabgaar
ek baar mujhe bhai to kehdo
abbas e jari ne ye kaha shaah se rokar
khaimou'n me meri laash na lejaaye uthakar
ahsaan ho mujhpar
kehne lage rokar shah e abraar
ek baar mujhe bhai to kehdo
saqqa e haram ki hai kamaal anjuman apni
zehra ki duao'n se ye abaad rahegi
nouha wo padhegi
moula ki zubaan par thi jo guftaar
ek baar mujhe bhai to kehdo