Dar e Zehra ko Jalaya Hai Musalmano Ne
Yun Mohammed ko Rulaya Hai Musalmano Ne
1) Badh Sarkar kay ye kaisi qayamat aayi
Sin hai athara baras or zaeefi chayi
Zulm bibi pay ye dhaya hai musalmaano ne
Cheen kar bagh e fedak zulm ye dikhlaya gaya
Bharrey darbar may siddiqa ko jhutlaaya gaya
Dil e zehra ko dukhaya hai musalmaano ne
Rokey hasnain ko seeney se kaha liptakar
Meri zainab se na kehdeyna koi ye jaakar
Bharrey darbaar bulaaya hai musalmaano ne
Dekhkar chehra e hyder kaha Aye shahey anaam
Sunti ho apko karta nahi ab koi salaam
Haq se muh apna phiraya hai musalmaano ne
Shab ki tareeki may lashey ko uthana waali
Koi dushman meri maiyat pay na ana wali
Ek yateema ko sataya hai musalmaano ne
Hashra may dekhna mohsin ka mai laasha lekar
Phasliya tooti ye dikhlaakey kahungi rokar
Baba ghar mera jalaya hai musalmaano ne
Jabr se taqt e khilafat ko wo paaney kay liye
Saari ummat ko saqifayi bananey kay liye
Aal e ahmed ko sataya hai musalmaano ne
Aaj bhi turbat e zehra se ye aati hai sada
Kargaye khabra bhi mismaar meri ay baba
Kaher e khaliq ko bhulaya hai musalmaano ne
Laayi thi kisney bhala aag dar e zehra par
Kisney ahmed kay nawasey pay chalaya khanjar
Arsh karbal may bataya hai musalmaano ney