chord na tanha beti mareeza kitna mushkil hai
mushkil kusha ka beta hi jaane kitna mushkil hai
hukme ilaahi raaze mashiyat manzile itaa'at me hai imaamat
shukr ka dukh par nazraana kitna mushkil hai
roze azal se hai tayyari sar dene aayi baari
har har gaam par imtehaa'n dena kitna mushkil hai
saathi bas ek tanhaai hai kis se kahe kya ban aayi hai
veeraa'n makaa'n aur tanha rehna kitna mushkil hai
bhai jawa'n hamshakle payambar ghar ki rounaq aankh ki thandak
ho wo vida aur jeena behen ka kitna mushkil hai
yaade'n dil me aag lagaaye qoon ke aansu ruk na paaye
zinda rehna aur na marna kitna mushkil hai
qaasid koi aaye to kaise har har gaam pe zulm ke pehre
beti mareeza ka naam aajana kitna mushkil hai
naamabar ki aas lagaaye raste me hai aankhe bichaaye
har din subha se shaam karna kitna mushkil hai
kaisa bhara ghar hogaya veeraa'n, jaise bhari god ho jaaye veeraa'n
zahra bibi ghar tera basna kitna mushkil hai