CHALO HUSSAIN SE EHD E WAFA NIBHANA HAI
Zehra se kiya tha jo wada wo wada Hum ne nibhana Hai...
Chalo Hussain se Ehd e Wafaa nibhana hai.
Bas ab kahi bhi nahi karbala ko jana hai
1) Main is jahaan me aate hi pehle roya Hoon...
Main chashme namm se musalsall jo aaj Goya hoon
Gham e Hussain se rishta bohot puraana hai
Chalo Hussain se Ehd e wafaa nibhana hai
2) Nafas Nafas me mere dil ka chain Zinda hai
Har aek sans me naam e Hussain zinda hai
Bas ab lahu ki rawaani ko aazmana hai
Chalo Hussain se Ehd e Wafaa nibhana hai.
3) Humari rooh ka Dil ka hai nainawa maskann
Azal se shah ka thaame hue hain hum Daman
Jo ab ki baar gaye laut kar na aana hai
Chalo Hussain se Ehd e Wafaa nibhana hai.
4) Likha hai ism e khuda e wafaa mein naam tera
Jo zaayero'n ka muhafiz nazar nahi aata
Wo hum safar hai to phir aur kya bahana hai
Chalo Hussain se Ehd e Wafaa nibhana hai.
5) ziyarat e Shahe Mazloom ka nahi hai jawaab
Hazaar rah e Khuda me jehaad ka hai sawaab
Jazaa e khair e amall Shahedeen se paana hai...
Chalo Hussain se Ehd e Wafaa nibhana hai.
6) gunaahgar sifaarish ko 100 jo aenge
Jo Zayereen hai wo unko bakhwaenge
Jo eqtiyaar hai mehsharr me wo dikhaana hai
Chalo Hussain se Ehd e Wafaa nibhana hai.
7) zaarih e shah pa aate hai khud Imam e zama'an
Tumhare dil mein hai gar un ki deed ka aarma'n
To jaanlo ke tumhe sar ke bal hi Jaana hai
Chalo Hussain se Ehd e Wafaa nibhana hai.
8) padhegi khaak kisi par jo paa e zaayer ki... To usko Aag jahannum ki chu na paaegi..
Chalo najaat ka karbobala thikaana hai..
Chalo Hussain se Ehd e Wafaa nibhana hai.
9) Dua karo yahi Farhaan Shah e waala se...
Namaz e Ishq ke dar par qubool ho sajde..
Dar e Hussain pa Saadiq ko sar jhukaana hai...
Chalo Hussain se Ehd e Wafaa nibhana hai.