Behaal hai bechain hai ghabrayi hai Zainab, Shabbir ko dafna ke watan aayi hai Zainab.
Chillati hai Saidaaniyaa sab qabre Nabi par, Sughra ko kaleje se jo laptayi hai Zainab.
Kehti hai kabhi qabre Payambar se wo rokar, Majaye Hussaina ki yeh majayi hai Zainab.
Turbat pe chadane ke liye bhai ka kurta, Soughat yeh nana ke liye layi hai Zainab.
Pehchan nahi sakte jise ahle mohalla, Itna Shahe mazloom ka gham khayi hai Zainab.
Gar aah koi karta toh ro deti hai khud bhi, Ho jiski na tafseel woh dukh payi hai Zainab.
Dil chak toh maghmoom ka chalni hai kaleja, Woh nashtare gham haye sitam khayi hai Zainab.
Samjhate hai Sajjad karo sabr phuphi jaa'n, Ghar aayi hai lekin abhi ghabrayi hai Zainab.
Har saans se aati hai sada haye Hussaina, 'Hilmi' Shahe mazloom ki majayi hai Zainab...