AQRABA KUT GAYE JAB SHAAH KE BARI BARI AUR ADUM CHALNE KI OOS SHAH NE KI TAYYARI
KHAIME KA PARDA UTHA ZAINABUL EBA IK BARI
DEKH MAQTAL KI TARAF KARNE LAGE NOOH ZAARI
KHULD KE KOOCH MEIN HUM KO NAHI BULWATE HO
QAAFILE WALON HUMEIN CHHODHE CHALE JAATE HO
SHEH KA NA RAHA KOI BHI YAWAR BAQI
NA ALAMDAR RAHE AUR NA LASHKAR BAQI
NA RAHE QASIME JARRAR NA AKBAR BAQI
HAI FAQAT SIBTE NABI KA SARE ANWAR BAQI
HUM TO BAQI HAIN GHAM-O-RANJ UTHANE KE LIYE
MAUT NE CHHODA HUMEIN ASHK BAHANE KE LIYE
SHABBIR KE MARNE KI HAI AB TAYYARI
ZAKHM PAR ZAKHM LAGE HAIN TANE SHEH PAR QAARI
BHOOK MEIN PYAAS MEIN GHASH AATE HAIN SAU SAU BARI
BEECH MEIN IBNE ALI GIRD KHADE HAIN NARI
APNE BIMARI SE SHARMINDA PISAR HOTA HAI
QATL AB SAAMNE BETE KE PIDAR HOTA HAI
BABA KO MERE KOI BACHAALE AAKAR
PHER DE LAAKE GALE PAR MERE KOI KHANJAR
BAAD BABA KE PISAR KA NAHI JEENA BEHTAR
BAAP TO QATL HO JEETA RAHE YE KHASTA JIGAR
AHLEBAITE NABAWI PAR YE JAFAYEN HONGI
BALWAE AAM MEIN SAR PAR NA RIDAYEIN HONGI
AQRABA KUT GAYE...