aaj sadiq ka jahan me janashee'n paida hua
musie kazim shahe dunya-o-dee'n paida hua
panjetan hai shaad aur masroor hai huro malak
mustafa ka saatwa masnad nashee'n paida hua
hazrate sadiq hai qush maadar hai bete par nisaar
qush hai baqir aaj pota mehjabee'n paida hua
shor hai salwat ka ghul hai mubarakbaad ka
hazrate sadiq ka farzande hasee'n paida hua
sabr se is shaahe dee'n ke ban gaya ummat ka kaam
saanie zainulleba sultane dee'n paida hua
qalq me har jaa'n bapa hai jashne meelaade imam
saatwa rehbar imamul muttaqi paida hua
haajate'n barla ilaahi momino ki jald tar
sadqa is moulood ka jo mehjabee'n paida hua