aaj shaahe karbala ka dilruba paida hua
malike har do sara zainulleba paida hua
muttaqi zahid namazi sabir o abid saqi
yaadgaare mustafa o murtaza paida hua
mustafa hai shaad aur hyder bohat qush'haal hai
aaj choutha jaanasheene mustafa paida hua
shaad hai hur o malak masroor hai qairunnisa
aaj pota fatima ka chaand sa paida hua
hazrate shabbir o abbase alambardaar ka
aaj dunya me bhateeja laadla paida hua
shor hai salwaat ka ghul hai mubarak baad ka
noore chashme mustafa salle ala paida hua
hazrate ayyub sharminda hai jis ke sabr se
aaj wo aalam me faqre ambiya paida hua
ummate aasi ka beda paar karne ke liye
aaj farzande shahe karbobala paida hua
zainabo kulsoom qush hai shehr bano shaad hai
aaj pehla dilruba shabbir ka paida hua
hazireene bazm ka bar aaye ya rab mud'dua
sadqa is moulood ka jo mailaqa paida hua