yasrab me uth raha hai janaza batool ka
tasweere gham bana hai janaza batool ka
taboot par pade na kisi ghair ki nazar
yu raat ko utha hai janaza batool ka
jo roohe mustafa thi wo dunya se chal basi
taboote mustafa hai janaza batool ka
mayyat nabi ki uth ke pachattar hi din hue
lo aaj uth raha hai janaza batool ka
bete bhi dono rote hue saath saath hai
ghar se nikal raha hai janaza batool ka
afsos aaj ho gaya veeraa'n ali ka ghar
sar peet'ta hai rota hai kunba batool ka
pehlu shikasta daaghe pidar se jigar kabaab
baade nabi ye haal hua tha batool ka