Teero ke musalle par wo sajdae shukraana
Shabbir ne sikhlaaya islaam pe marjaana
Kuch is tarah laash aayi ek raat ke byaahe ki
afsos ke maadar ne bete ko na pehchaana
Barchi ali akber ke seene se nikal aayi
dekha na gaya sheh se yu'n dil ka nikal aana
Ye maa ki wasiyyat thi abbase dilaawar ko
Jab deen pa ban aaye tum jaan fida karna
Laashe ali akber ko hatho'n pa utha bole
haazir hai mere allah shabbir ka nazraana
Soncho to musalmaano ye baat koi kam hai
Ahmad ki nawaasi ka darbaar me aa jaana
saidaaniyo ka us waqt kya haal hua hoga
masoom ka ro ro kar zindaan me mar jaana
Ek teer ali asghar ki gardan pe laga aakar
Masoom ka has dena aur mout ka ghabraana